Otmar Oduber sorprendi cu sentencia di Hof den caso Flamingo

A aumenta castigo pa Otmar Oduber en comparacion cu e prome sentencia. Corte Comun di Husticia di Aruba, Curaao, Sint Maarten y di islanan BESS di Bonaire, dia 17 di september 2026 a dicta sentencia den e apelacion di e caso penal Flamingo contra e ex-Ministero Arubiano di Desaroyo Teritorial, Infrastructura y Medio Ambiente (ROIM), Otmar Enrique Oduber. Defensa di Oduber a pidi primariamente pa declara Ministerio Publico inadmisibel y subsidiariamente pa exclui prueba, debi na supuesto violacion di norma durante e investigacion di opsporing. Corte a declara tur e defensanan aki sin base. Segun Corte di Apelacion, no tabatin un violacion grave o ireparabel di e derecho riba un proceso husto den sentido di articulo 6 EVRM. Pa loke tÕe estafa caso Malmok (Feit 1): Otmar Oduber a keda absolvi di e acusacion di ta co-autor di estafa den otorgamento di derechonan di erfpacht na Malmok. Maske cu e como mandatario a mescla su mes den asignacion di kavel for di e maneho estableci. E actonan aki segun Corte no a cumpli cu e exigencianan legal di un delito di estafa. Soborno pasivo caso Spookambtenaren (Feit 3): Corte no a haya proba legalmente y convincentemente cu e trabounan haci pa un co-sospechoso pÕe compania di e yiu di Otmar Oduber por keda considera como aceptacion di un regalo o servicio den sentido di soborno pasivo. Hechonan proba den estafa caso Spookambtenaren (Feit 2): Corte ta considera proba cu Otmar Oduber a estafa Pais Aruba dor di propone y nombra co-sospechosonan (entre otro Phillips y Tiel) como liaison officer na su ministerio, mientras e tabata sa cu nan no tabata bay haci e trabounan acorda pa Pais Aruba. PÕe motibo aki, a paga salario y toelagen for di fondonan publico. Soborno pasivo caso Aisha Esser (Feit 4): A keda proba cu Otmar Oduber a acepta servicio y promesanan (den forma di apoyo pa campa–a y voto) a cambio pÕe ehercemento di influencia politico pa haya trabou na Gobierno, entre otro na Dienst Openbare Werken (DOW) y e compania di recogemento di sushi Serlimar pa su siguidor y campa–adonan. Abuso di funcion (Feit 5): A keda proba cu Otmar Oduber den e casonan di Malmok, Spookambtenaren y Esser a actua intencionalmente cu abuso di su funcion como Minister pa haya algun bentaha pa su mes o pa otro persona. Esaki ta inclui e presion pa otorga reservacion di erfpacht na personanan faborece contra e maneho di otorgamento, e creacion di rexlacionnan di trabou ficiticio (schijnverbanden) y ehercemento di influencia politico riba nombramento di personal na DIP, Serlimar y DOW. Den apelacion Procurador General a pidi un castigo di prison di 3 anja y cu durante un periodo di 6 a–a Otmar Oduber no por ocupa ningun funcion publico, pero tampoco por participa den eleccion of ocupa un puesto como resultado di e eleccion. Pa loke ta trata e sentencia di prome instancia (Gerecht in eerste Aanleg) di 22 di januari 2025, e Hues a conden'e na un castigo di prison di 365 dia di cual 319 dia ta condicional cu un periodo di prueba di 3 a–a, un taakstraf di 240 ora, y 3 a–a for di funcion publico. Awor Hof a condena Otmar Oduber na 2 a–a di prison y durante 5 a–a e no por ocupa un funcion publico ni participa den politica activo. Den caso di Aisha Esser, kende a wordo declara liber den prome instancia, awor a haya condena pa dos acusacion y a haya 24 ora di trabou pa comunidad. Richinella Croes, kende tabata traha na DIP, a wordo haya culpabel di solamente di falsificacion di documento. Pero no a haya castigo, dor cu el a actua riba ordo di Otmar Oduber y el a expresa na su hefe directo cu e cos cu ta pidie hacxi no ta corecto. Nan tin 14 dia pa dicidi si ta bay Casacion. E biaha aki contario na tur otro biaha Otmar Oduber no a confronta prensa, ya manera menciona, e tabata decepciona cu e veredicto aki. Su abogado no kier a bisa mucho, pasobra e no a haya nada di e veredicto riba papel pa studia. Asina esaki bira e caso, y discutie cu su cliente, lo anuncia e siguiente paso pa tuma. Un cos nos por bisa cu den tur caso contra un of Minister y cu nan a bai den apelacion, Corte di Casacion no a trece ningun cambio. Otmar Oduber lo dicidi di sinta su castigo, cu e speranza di lo sinta sigur 1/3 parti menos, kitando e dianan cu el a sinta caba y sali despues di un anja.

E sentencia aki di Gemeenschappelijk Hof van Justitie ta di e investigacion penal di caso Flamingo riba ex-Minister Otmar Oduber, durante su gobernacion di 2017 pa 2019 den Gabinete Wever Croes. Ta trata iregularidadnan cometi den su reparticion di tereno, su nombramentonan di ambtenaar Spirito cu tabata cobra sin traha pa Gobierno y su trato preferencial como Minister pa cierto personanan. Ex Minister pa partido POR di mesun Otmar Oduber, Marisol Tromp awe ta sinti necesidad di duna su opinion y comentario di veredicto di Huez den Corte di Apelacion. Den su prome caso na Corte, un Huez a condenÕe na 1 a–a di prison. Otmar Oduber no a keda contento, pasobra e kiermen e ta inocente y cu ta ami (Marisol Tromp) a bin cu calumnia riba dje. Dor di esaki el a apela y a bai contra e decision di e prome Huez. Despues cu den Hoger Beroep 3 Huez a studia su caso, nan a dicta sentencia diabierne ultimo. 3 Huez ta ha–a cu e castigo di prison di 1 a–a NO ta suficiente pe pa tur loke el a haci! Nan a subi su castigo for di 1 pa 2 a–a di prison y tambe e no mag di subi lista di ningun partido politico pa 5 a?a largo, ni traha pa Gobierno. Ex-Minister Otmar Oduber a keda manipula pueblo y lastra Marisol Tromp su nomber den tur entrevista cu el a duna, pa 6 a–a largo, comosifuera cu mi a entrega un ' keho falso' contra dje tempo cu mi tabata Minister na a–a 2020 y cu e no a haci nada malo. E tempo ey nan a bahami como Minister despues cu ma desmascare den Parlamento di Aruba splicando tur su corupcionnan cometi. E sentencia aki ta confirma cu mi no a haci un ' valse aangifte' contra ex-Minister Otmar Oduber, manera cu semper el a pretende den medionan di comunicacion, pa a–anan largo. Awor en total 4 Huez a conclui cu ex Minister Otmar Oduber merece castigo di prison.

Tin masha hop speculacion, hasta den seno di AVP. Manera ta conoci dia 4 di october awor, AVP tin su Congreso, cu tin como punto di agenda, eleccion di proximo lider di AVP. Tin masha promocion cu ta wordo haci, cu momento a yega pa rehubence AVP, pero tambe Congreso lo tin cu aproba e statuut nobo di e partido, y eleccion di un Directiva nobo pa AVP. Banda di esaki lo tin nombramento di dirigencia di e fundacionnan Cristiaan Democrata di AVP, cu manera ta conoci, no ta mucho activo, pero si ta necesario ora ta papia di rehubenece e partido y prepara candidatonan nobo p’e partido. Enfaticamente a keda dicidi den proximo Congreso, lo no papia kende lo por bira e proximo Minister, awor cu fin di aña manera ta conoci Prome Minister Mike Eman a anuncia su retiro, pero tambe Minister Rene (Baba) Herde a laga sa di lo no keda Minister, pasobra manera ta conoci, el a bira Minister temporal, pa “keinta banki” pa Mike de Meza, kende a gradici p’e funcion awor cu su nomber a keda “limpia” di tur acusacion. Fraccion di AVP no kier mas Minister Experto (Vak Ministers) y lo tin cu eligi e proximo Minister for di seno di fraccion di AVP. Manera ta conoci, loke ya pueblo ta papia ta, cu mr. drs. Arthur Dowers lo bira e proximo Pome Minister p’e periodo cu Gabinete AVP-Futuro lo sigui sostene otro. No tin discusion riba e punto aki, cu excepcion cu mr. drs. Arthur Dowers no por carga tur cartera cu e tin, mas esnan di Mike Eman. Un di e carteranan cu Dowers sigur kier mantene, t’esun di Husticia, tur otro ta bai pa un otro Minister. Kier men, mester eligi un Minister p’e carteranan cu Dowers lo laga, manera e.o. esun di Utilities. Pa loke t’e cartera cu actualmente Rene (Baba) Herde ta ocupa, y cu manera menciona tambe lo baha fin di aña awor, tin menciona 2 candidato potencial, kendenan t’e 2-nan veterano den Parlamento, esta drs. Jeniffer Arends-Reyes y e actual Presidente di Parlamento, Marlon Sneek. Si tur demas candidato por bira Minister no tin duda den esey, pero lo bai p’e dos veteranonan den Parlamento y cu mas voto individual tambe. Di e forma aki, AVP ta habri caminda pa mas hoben drenta Parlamento y cuminza traha riba nan experiencia cu tanto nan mes. Pa loke t’e posicion di Presidente di Parlamento, tin menciona John Hart, kende sigur tin e conocemento p’e funcion aki, sigur cu mas guia. Pro manera menciona na principio di e relato aki, AVP mes no kier p’e puntonan aki bira punto di discusion durante e Congreso di dia 4 di october awor.

Directie Volksgezondheid (DVG) a informa cu Aruba ta registrando un aumento den casonan di keintura, sintomanan respiratorio y malestar gripal. Tambe a confirma casonan di influenza tipo B. DVG ta pidi atencion special pa personanan mas vulnerabel, e.o. adulto di 60 aña y mas, mucha bou di 5 aña, hende muher na estado y persona cu malesa cronico of sistema inmunologico debilita. Nan ta wordo recomenda pa laba man frecuentemente, evita contacto cu hende malo, sigui nan tratamento y considera vacuna contra influenza. E vacuna ta disponibel na Seccion di Malesanan Infeccioso di DVG. Pa mas informacion por yama 522-4200. Persona cu keintura, tosamento, dolor di garganta, dolor di curpa, cansancio of otro sintoma gripal mester keda cas, limita contacto cu otro y evita bishita personanan vulnerabel. DVG tambe ta recomenda bon ventilacion, suficiente likido y descanso. Anti-biotica no ta funciona contra virus manera influenza y no mester wordo usa sin indicacion medico. Tuma contacto cu dokter di cas si sintomanan empeora of keintura persisti. Busca asistencia urgente si tin dificultad pa hala rosea, dolor of presion fuerte den pecho, confusion, debilidad severo of deterioro rapido. DVG ta enfatisa cu preveni propagacion di malesanan respiratorio ta un responsabilidad comparti: Si bo ta malo, keda cas, cuida bo mes y proteha otro.

Como parti di su mision comercial recientemente na Santo Domingo, Minister di Finansa, Asuntonan Economico y Sector Primario, Geoffrey Wever, a sostene un reunion strategico enfoca pa fortalece e cooperacion economico bilateral entre Aruba y Republica Dominicana. E combersacion a concentra riba temanan cu tin prioridadnan comun cu tin impacto directo riba comercio regional, e.o., facilitacion comercial, conectividad aereo y maritimo, cadena di suministro, seguridad alimentario y coordinacion institucional. Pa Minister Wever, e siguiente fase di relacion economico entre ambos pais mester bay mas leu cu bon contacto politico. E meta ta pa usa e cuadro di cooperacion existente di forma mas concreto y eficiente, cu participacion di e institucionnan relevante y competente. Durante e reunion, a pone enfasis riba e hecho cu diferente aspecto economico ta toca varios institucion Dominicano simultaneamente. Comercio, aviacion, puerto, agricultura y logistica no por wordo trata los di otro. PÔe motibo ey, un bon coordinacion interinstitucional ta esencial pa evita cu oportunidadnan comercial keda stanca entre proceso y competencia diferente. Den e contexto ey, e rol di Ministerio di Relacionnan Exterior (MIREX) ta importante como punto di coordinacion y facilitacion pa desaroyo economico cu ta rekeri cooperacion entre diferente autoridad Dominicano. ÒNos ta traha riba un relacion economico cu ta integral. Ora comercio toca puerto, aviacion, agricultura y regulacion na mes momento, mester tin un structura cu ta conecta e diferente actornan. Esey ta unda coordinacion institucional ta bira decisivo,Ó Minister Wever a enfatisa. Un otro tema importante tabata con Aruba y Republica Dominicana por haci mihor uso di cuadronan bilateral y regional existente, incluyendo e TransCaribbean Agreement, pa sostene comercio y conectividad entre ambos pais. E enfoke ta pa evita cu acuerdonan keda solamente como base politico, pero usa esakinan como instrumento pa facilita prioridadnan economico concreto, mehora coordinacion y fortalece relacion entre e institucionnan relevante. E reunion a conecta tambe cu e agenda cu Minister Wever a desaroya durante su mision na Santo Domingo, caminda e a trata separadamente cu autoridadnan y sector priva tocante proveedor, importacion di carni, conectividad aereo, transporte maritimo, capacidad refrigera, agrocomercio y logistica. E diferente reunionnan tabatin e mesun meta, cual ta pa fortalece e cadena entre productor, mercado, transporte y institucion. ÒUn cadena di suministro fuerte no ta ser crea den un solo reunion of cu un solo compania. E ta exigi pe sistema completo funciona. Pa esey nos ta traha simultaneamente riba comercio, conectividad, logistica y cooperacion gubernamental,Ó Minister Wever a declara. Aruba por crea espacio pa un rol mas amplio den comercio regional, specialmente si e relacionnan bilateral ta wordo usa mas strategicamente pa facilita movimento di producto, servicio y inversion. E enfoke aki por yuda Aruba y Republica Dominicana fortalece no solamente nan relacion bilateral, pero tambe contribui na cadena regional di suministro mas resiliente y un economia den Caribe mas resistente contra interrupcion externo. ÒNos ta busca cooperacion cu tin proposito. Menos fragmentacion, mas coordinacion y mas resultado. Si nos por conecta nos prioridadnan comercial cu e institucionnan cu mester haci e trabou, nos ta crea un relacion economico cu tin mas profundidad y mas balor pa ambos pais,Ó Minister Wever a conclui.

Como parti di Accion di Bario, Prome Minister Mike Eman, hunto cu Parlamentario Stephany Sevinger, a bishita 297 Farm na Yara, Savaneta, caminda nan a haya un recorido dor di propietario Gregory Fung-a-Fat y a conoce mas di cerca e manera cu tecnologia ta uza pa produci alimento localmente. A conta cu 297 Farm a cuminsa na 2017, inicialmente cu cultivo den un sistema indoor pa explora ki tipo di produccion por funciona bou di condicionnan di Aruba. Despues di periodo di COVID, e iniciativa a amplia y a incorpora tecnologia mas avansa y adapta na nos clima. Actualmente e farm ta conta cu dos greenhouse, caminda alrededor di 25.000 mata ta creciendo y nan ta produci nuebe variedad di lechuga. Segun Fung-a-Fat, interes p’e producto local ta positivo: Demanda actualmente ta mas halto cu loke e farm por produci. E reto ta pa sigui aumenta produccion di manera eficiente y sostenibel. Premier Eman a expresa impresion cu e desaroyo cu el a mira durante e recorido y cu e manera cu 297 Farm a logra adapta tecnologia na realidad di un isla seco manera Aruba. Segun Premier, agricultura tradicional ta parti di Aruba su historia y herencia, pero innovacion ta brinda oportunidad pa complementa esaki cu metodonan moderno cu por contribui na produccion local. Eman a aprecia tambe e disposicion di Fung-a-Fat pa comparti su experiencia y conocemento cu otro personanan interesa den agricultura. Pa Premier, ehempelnan manera esaki ta demostra cu, apesar di nos condicionnan climatico, Aruba tin oportunidad pa sigui desaroya su produccion local mediante conocemento, tecnologia y colaboracion. Durante e bishita no solamente a papia di loke ta bay bon. Fung-a-Fat a comparti tambe algun di e retonan cu productor ta encontra den sector primario. El a reconoce e esfuersonan cu ta wordo haci pa sostene sector y a expresa confiansa cu, mas dialogo y colaboracion, por sigui crea condicionnan p’e sector desaroya. Parlamentario Stephany Sevinger a destaca precisamente e importancia di e parti aki di e bishita. Segun Sevinger, pa por contribui na solucionnan ta necesario tende directamente di productor unda e obstaculonan ta y kico nan ta experimenta den practica. E informacion y experiencia cu ta comparti den tereno por despues contribui n’e combersacion riba futuro di sector. Pa Prome Minister Eman, e bishita a brinda un ehempel concreto di con iniciativa local y tecnologia por encontra otro den agricultura. El a desea Gregory Fung-a-Fat y su team hopi exito cu e desaroyo di 297 Farm y a reafirma importancia di sigui brinda atencion na potencial di sector primario.

Fraccion parlamentario di AVP a bishita directiva di Dr. Horacio E. Oduber Hospital pa un combersacion amplio y constructivo tocante situacion actual di nos hospital, e desafionan financiero y operacional cu e institucion ta confronta y su perspectivanan pa futuro. Durante e encuentro, directiva di HOH a comparti informacion tocante e ultimo desaroyo, necesidad y preocupacionnan existente. Fraccion di AVP a expresa su preocupacion tocante e situacion, teniendo cuenta cu un hospital fuerte, stabiel y bon administra ta indispensabel pa garantisa continuidad y calidad di cuido medico pa pueblo di Aruba. Pa haya claridad completo y permiti Parlamento cumpli debidamente cu su tarea di control, fraccion di AVP a solicita pa Minister encarga cu salud publico presenta na un reunion di comision di salubridad. E fraccion ta considera necesario pa Minister informa Parlamento tocante situacion financiero real di HOH, e medidanan cu Gobierno ta contempla y e garantianan cu lo establece pa evita cu servicio y cuido na pashent wordo afecta. “Salud no por depende di incertidumbre. Parlamento y pueblo di Aruba tin derecho riba informacion cla y transparente tocante situacion di nos hospital. Gobierno mester presenta un vision concreto y sostenibel pa futuro di HOH y pa cuido medico na Aruba,” fraccion di AVP a declara. Segun fraccion di AVP, claridad financiero y operacional ta necesario no solamente pa proteha pashent, sino tambe pa ofrece seguridad na dokter, enfermero y tur otro profesional cu diariamente ta sostene funcionamento di hospital. Nan mester por conta cu e condicionnan, recursonan y sosten necesario pa cumpli cu nan responsabilidadnan. E fraccion ta enfatisa cu su peticion no tin como meta pa crea preocupacion adicional, sino pa obtene contestanan concreto y contribui na solucionnan responsabel. Un institucion cu tin un papel asina crucial den bienestar di comunidad mester por conta cu un maneho transparente, un base financiero sostenibel y un plan cla pa futuro. Fraccion di AVP lo sigui haci e preguntanan necesario, scucha profesionalnan activo den sector y traha constructivamente pa un sistema di salud accesibel, responsabel y di calidad pa tur ciudadano di Aruba.

Meymey di tur e show, biahamento, anuncio y sacamento di potret di Ministernan di AVP-FUTURO, tin un realidad cu ta bira mas bisto: E rumbo di Aruba su finansa publico ta causa preocupacion. Nos no ta bisa cu Aruba ta den un crisis financiero awe. E cifranan actual ainda ta mustra un surplus y economia ta genera entrada. Pero un Gobierno responsabel no ta wak solamente e saldo di awe. E mester wak si e decisionnan di awe ta keda pagabel mañan. Na palabra ex-Minister di Finanza, mr. Xiomara Maduro. Y precisamente ey e señalnan ta preocupante. Gasto ta crece mas liher cu entrada. Den presupuesto 2027, entrada di Pais ta subi cu Afl. 55 miyon, of 3%, compara cu 2026. Sinembargo, gasto coriente ta subi cu Afl. 82 miyon, of 4%. Entre otro, gasto di personal ta subi cu Afl. 16 miyon, producto y servicio cu Afl. 56 miyon, subsidio y transferencia cu Afl. 22 miyon, y interes cu Afl. 4 miyon. Un gasto incidental por wordo ahusta. Pero ora gasto bira structural, e ta compromete e placa di cada aña. Si entrada baha of turismo haya un golpi, e gasto permanente ta keda. E resultado ta cu cada florin nobo ta wordo compromete prome cu Gobierno por inverti’e den scol, caminda, cuido, seguridad of cultura, e Parlamentario di MEP a sigui splica. Na 2027 Aruba ta presupuesta cerca di Afl. 293 miyon solamente pa paga interes. Esaki ta alrededor di 15 cent di cada florin cu Gobierno ta cobra. Esey ta placa cu no por bay pa drecha scol, mantene caminda, fortalece Hospital of inverti den desaroyo economico. Refinanciamento por yuda baha e costo di interes, pero no ta soluciona e problema si Gobierno ta keda uza e espacio nobo pa crea mas gasto permanente. No por sigui crea mas obligacion structural sin cobertura pa futuro. Otro señal preocupante t’e nivel di inversion. CAft a califica solamente Afl. 3,5 miyon di inversion directo, pafo di e fondo di inversion AIOF, como marginal compara cu e tarea grandi cu Aruba tin. P’e fondo di inversion AIOF tin Afl. 11 miyon contempla pa 2027, pero na momento di e evaluacion no tabatin un presupuesto completo ni un agenda multi-anual di inversion presenta. Esaki ta crea un imagen engañoso: Un surplus por parce hopi bunita riba papel precisamente pasobra proyecto necesario no ta wordo ehecuta.

Gobierno, hunto cu Korps Politie Aruba (KPA) y diferente instancia concerni, a inicia porfin cu un accion coordina pa atende e problema di vehiculonan abandona cu pa tempo largo ta ocupa caminda y espacio publico. E accion a cuminsa na Oranjestad y posteriormente tin intencion pa amplia e iniciativa gradualmente pa otro areanan di Aruba. E anuncio, haci durante conferencia di prensa cu participacion di Korpschef Ramon Arnhem, Miguel Wever Coordinador pa Ministerio di Asuntonan General y Win Werleman di Serlimar. Segun Korpschef Arnhem, durante e ultimo periodo diferente vehiculo bandona a wordo identifica, incluyendo autonan cu no tin plachi number y cu pa tempo considerabel ta para banda di caminda of riba tereno habri. ÒNos no kier e imagen aki mas. E no ta dunad un bon imagen pa nos isla,Ó Arnhem a indica. Ademas di aspecto visudl, el a se–ala cu luganan descuida y desperdicio acumula por crea condicionnan cu no ta contribui na un ambiente ordena y sigur. Prome cu pasa pa retiro, KPA ta brinda do–onan di e vehiculonan un ultimo oportunidad pa tuma nan responsabilidad. Korpschef Arnhem a confirma cu e periodo di aviso ta core texxxx 23 di september. For di 24 di september, autoridad lo pasa pa accion concreto y vehiculonan bandona identifica lo ta retira. Segun Korpschef, KPA tin posibilidad pa haci investigacion pa determina ken ta do–o di un vehiculo, hasta den casonan caminda e auto no tin number. E gastonan relaciona cu retiro y e proceso consecuente lo ta riba cuenta di e do–o di e vehiculo. Miguel Wever a splica cu e prome fase lo funciona tambe como un proyecto piloto. E intencion ta pa evalua e proceso, atende eventual obstaculonan y despues sigui gradualmente cu otro area. ÒAruba no ta solamente Oranjestad. For di perspectiva di Serlimar, Win Werleman a destaca e coneccion di e accion cu e esfuerso mas amplio di Cuida Aruba y cu responsabilidad comparti pa mantene nos barionan limpi. Segun Werleman, tin hopi ciudadano cu ta coopera y cu ta mantene nan area den bon condicion, pero ainda tin trabou pa haci pa crea un cambio duradero den actitud. For di 24 di september awor, e accion di retiro lo cuminsa na Oranjestad, cu intencion pa posteriormente sigui den otro areanan di Aruba.

Aruba Bank ta orguyoso di sostene Stichting JA IK ARUBA su programa IN THE PICTURE, un iniciativa enfoka riba empodera hende, fortalece nan posibilidad pa drenta den mercado laboral y crea oportunidadnan significativo pa desaroyo personal y profesional. IN THE PICTURE ta combina coaching, entrenamento di habilidadnan y experencia practico den e comunidad empresarial di Aruba. Atrabes di bishita na empresanan, contacto cu empresario y profesionalnan local, y experencia di stage, e participantenan ta haña un mihor comprondemento di ambiente laboral, mientras nan ta desaroya nan talentonan, confiansa y habilidadnan profesional. Nos ta kere cu inverti den hende ta inverti den futuro di Aruba. Nos ta orguyoso di sostene Stichting JA IK ARUBA y IN THE PICTURE, pasobra iniciativanan manera esaki ta crea oportunidadnan significativo pa crecemento, independencia y un mayor participacion den nos comunidad.

Minister di Husticia, mr. drs. Arthur Dowers, a instala oficialmente e asina yama Task Fforce Aanpak Afvalproblematiek, cu e encargo pa prepara proposicionnan concreto pa un maneho di desperdicio duradero, integral y responsabel pa Aruba, y sostene ehecucion di e maneho integral. Despues di dos aña di gobernacion, ta bin awor cu un Task Force? Nos no mester un tassk force, pero tuma accion, pasobra ley tin pa ehecuta loke tin cu haci. Aruba ta enfrenta problema di desperdicio pa hopi aña. Pa logra un solucion structural, Gobierno ta considera necesario pa atende e tema den un forma integral, cu participacion di diferente departamento y organisacion cu tin responsabilidad of experencia riba tereno di medio ambiente, infrastructura, mantencion, supervision y procesamento di desperdicio. Te awor Gobierno a bin descubri esaki? Kom Nou!! Pesey awor a institui e Task Fforce oficialmente y dia 8 di september a tene e prome reunion di e Task Fforce, durante cual e diferente organisacionnan a comparti informacion tocante nan rol actual den maneho di desperdicio, e puntonan critico cu nan ta identifica y nan posibel contribucion. Pa Minister Dowers, Aruba no por sigui atende e problematica di desperdicio solamente ora e problema ta visibel. Un solucion duradero ta exigi prevencion, responsabilidad, control y cooperacion entre tur instancia envolvi. E Task Fforce tin tambe como tarea pa evalua si mester adapta leynan existente of si tin necesidad pa leynan nobo. Ademas, e mester crea e apoyo necesario pa implementa e proposicionnan cu lo presenta.  Cu instalacion di e Task Fforce, Gobierno ta pone un paso pa pasa di un maneho fragmenta na un solucion mas coordina y structural p’e problematica di desperdicio na Aruba. Loke ta yamativo, cu Gobierno no a pone un fecha p.e. pe Task Force keda cla cu adaptacion of bin cu leynan nobo pa combati desperdicio. Pa nos, otro fata morgana!!!

Sinembargo e señal mas serio t’e proyeccion di AZV y SVb. Segun e cifranan multi-anual, AZV su surplus ta proyecta pa baha di Afl. 74 miyon na 2027 pa apenas Afl. 9 miyon na 2031: Un caida di aproximadamente 88%. SVb su surplus ta baha di Afl. 40 miyon pa Afl. 11 miyon: un caida di 72,5%. Asina Parlamentario di MEP, mr. Xiomara Maduro a duna di conoce. E fondonan no ta den deficit ainda. Pero nan margen pa absorba un aumento den costo medico, mas pensionado, menos entrada di prima of un shock economico ta bira cada biaha mas chikito. Na mes momento, e surplus di e fondonan ta wordo conta como recurso pa baha debe di Pais. Na 2026 SVb a deposita Afl. 50 miyon cerca Pais. Tal operacion por tin sentido financiero, pero solamente si Gobierno por demostra cu e fondo ta keda cu suficiente likides, cu tin un reserva minimo, un proyeccion actuarial y condicionnan cla pa repago. Surplus anual no ta automaticamente “placa liber”. E placa tin cu proteha cuido y pensioen di pueblo, tambe den añanan dificil. E imagen completo ainda falta, segun e ex-Minister di Finanza. Tin otro motibo pa cautela: E definicion oficial di sector colectivo a wordo amplia di 6 pa 34 entidad, pero no tur e entidadnan ta consolida completamente den e calculacion di debe y saldo. Ademas, varios compania publico ainda no a presenta nan cuenta anual 2024. Mientras e informacion aki falta, Parlamento no por mira e cuadro fiscal completo. Debe, garantia, contrato largo, atraso di pago y posibel rescate di entidad publico por bira obligacion pa Pais. E conclusion ta cla; No ta cuestion di crea panico. Ta cuestion di anticipa problema prome cu e bira crisis. Aruba su situacion actual ta relativamente fuerte, pero e margen di seguridad ta bira cada bes mas chikito. Gasto ta crece mas liher cu entrada. Interes ta come un parti grandi di cada florin. Inversion ta marginal. Surplus di AZV y SVb ta baha drasticamente. Y no tin un bista completo ainda di e obligacionnan publico. AVP–FUTURO ainda no a demostra cu su rumbo financiero ta sostenibel p’e añanan nos dilanti. Gobierno mester presenta e costo completo di cada medida permanente, su fuente di financiamento y su efecto multi-anual. Tambe mester publica un plan concreto di inversion, proteha reserva di e fondonan social y duna Parlamento un cuadro consolida di tur entidad publico. “Show y propaganda por tapa realidad pa un rato, cifra no,” Parlamentario Xiomara Maduro a expresa pa mustra su preocupacion riba e rumbo cu AVP-FUTURO ta scoge pa Aruba.