Famia di Kimberley no ta kere cu e tabata stuur e UTV accidenta

Den e dianan aki por a lesa riba diferente pagina di Facebook un peticion haci dor di famia di e mucha muher Hulandes Europeo cu a fayece den un accidente di trafico. Ta trata di e dama Kimberley van Ardenne di 23 anja, kende a bira e di 10 morto den trafico insigur di Aruba. E tabata cu algun persona ta disfruta di e escenarionan di Aruba den un UTV. Incluso tin persona cu a mira nan den vecindario di Carnival Village unda cu a constata cu un di e vehiculonan tabatin problema cu e motor. E tabata haci basta desordo. Despues di mas cu 15 minuut cu nan tabata coba den e motor, e UTV-nan (2) a sigui nan caminda. Testigonan eynan ta bisa cu e mucha muher no tabata na stuur. Algun rato despues e accidente fatal a tuma lugar den area di Grapefield. Ey a ser bisa cu Kimberley tabata na stuur y hasta tabata haci maniobranan cu e vehiculo te cu el a bolter cu e consecuencia fatal. Awor famia ta desea informacion di personanan cu a mira e accidente sosode. Riba e flyer por lesa e forma con por contact famia. Loke si a sali na cla ta cu e UTV aki tin un A-nummer riba dje y cu ta un Mariniers, staciona na Savaneta Kamp ta huur e aparatonan aki cu hende/famianan cu ta bin pasa vakantie na Aruba, sin tin verguuning pa haci esaki. E UTV no ta sigura y menos ainda ta registra na Camara di Comercio. Te donjo mester testigua cu kende el a huur e UTV, kende na su turno mester bisa kende tabata na stuur. Hecho ta cu tin masha ilegalidad ta tumando lugar na Aruba, pa cual pueblo a cuminza demanda cu esnan concerni mester actua cu man mas duro contra tur ilegalidad cu tin. E.o. manera Minister Dowers a cuminsa actua contra di e e-steps y e-bikesnan. Proximamente nos lo denuncia mas di e irregularidad cu tin hasta bao di e propio companianan di ATV y UTV.

Manera ta conocí, dia 13 di september ultimo un accidente grave di trafico a tuma lugar, den cual un muher hoben, Kimberley van Ardenne di 23 anja a perde su bida. Mesora despues di e accidente a cuminsa traha pa determina kico exactamente a pasa. Cuerpo Policial di Aruba a start e investigacion y despues esaki a bay den man di Koninklijke Marechaussee (KMar), mirando cu tin envolvimento militar.

Di acuerdo cu un comunicado di Ministerio Publico, e investigacion ta wordo hiba dor di Marechaussee bao autoridad di un fiscal specialisa na Ministerio Publico di Aruba. Marechaussee, via nan recherche di famia, ta den contacto estrecho cu famianan di e victima. Ministerio Publico di Aruba ta mantene e comunicacion cu nan abogado.

E investigacion ta den pleno marcha. Entre otro, un ekipo forensico di trafico a wordo treci Aruba pa haci investigacion, specificamente riba e estado tecnico di e vehiculo envolvi. Ademas Marechaussee a haci un yamada na testigo y hendenan cu por tin informacion relevante pa sali pa dilanti. E parti di investigacion aki tambe ta andando.

Den ultimo dianan y specialmente durante ultimo reunión di Parlamento, tratando e ley conocí como Evelyn Wever Croes norm, cu manera ta ser bisa Hulanda a impone riba Aruba. Mike de Meza a entrega varios moción, cu lamentablemente no a keda trata, pero a keda posponi te cu un ogtro fecha, dunando Minister Geoffrey Wever oportunidad pa busca mas conseho. For di e mocionan di Mike de Meza por conclui cu e no ta di acuerdo e forma di goberna di e partidonan AVP=Futuro, te a cuminsa specula cu Mike de Meza ta prepara su mes pa bai otro partido, den e caso aki bai cas bek cu PPA. For di después a nenga di asumi e puesto di Minister, Mike de Meza a bisa bon cla, cu e lo keda activo políticamente, pero lo ta un Parlamentario critico y ta demostrando esey. E pregunta cu tin awor riba mesa ta, Mike de Meza lo atende e próximo Congreso di AVP, unda e único punto di agenda importante ta, elección di un líder nobo pa AVP. Nos sa cu Mike de Meza su relación cu dirigentenan di AVP ta bon, pero no tur biaha e ta di acuerdo cu nan maneho. Mike de Meza a laga sa bon cla cu e ta AVP, y si AVP no ta di acuerdo cune, lague sa ki dirección e tin cu tuma. Loke si ta bon cla pe, Mike de Meza lo no aproba ley di HOFA. Esaki mester wordo bari for di mesa. Mike de Meza ta haya cu AVP no ta haciendo mucho pa San Nicolas, manera priminti y e kier mira esaki cambia y pronto, Su relación cu Ministernan di Futuro, por conclui c unan no ta goza di confianza di su persona. Pa cambia di opinión político awor no tan a discusión. Hopi cos por pasa ainda y tur opción ta keda habri.

Minister di Husticia, Integracion, Transporte Publico y Energia, mr. drs. Arthur Dowers, hunto cu delegacion di Reino Hulandes, a atende e prome dia di Asamblea General di e di 81 Asamblea General di Nacionnan Uni na New York. E Debate General a inicia dia 22 di september, na sede di Nacionnan Uni y ta trece hefenan di Estado y Gobierno, Ministernan y otro representantenan di alto nivel for di diferente parti di mundo, hunto. E Asamblea General ta sigui te cu 26 di september y ta conclui dia 28 di september.  Minister Dowers a participa na High-Level Week como parti di delegacion di Reino Hulandes. Presencia di Aruba den e delegacion ta brinda oportunidad pa nos pais ta representa den e dialogonan internacional y pa mantene contacto cu partnernan di Reino y internacional. Normalmentesemper Prome Minister di Aruba ta keda invita pa Gobierno di Reino pa forma parti di e delegacion aki. Como cu Prome Minister Eman a anuncia su retiro pa fin di anja, a dicidi di manda e futuro Prome Minister di Aruba, pa representa nos pais. Durante e siman, diferente tema di importancia internacional a forma parti di e programa, entre otro desaroyo sostenibel, cambio climatico, salud, paz y siguridad. Pa Aruba, varios di e temanan aki tin relevancia directo, teniendo na cuenta nos posicion como isla chikito y e retonan particular cu esaki ta trece cu ne.   Participacion di Minister Dowers durante High-Level Week ta forma parti di e compromiso pa Aruba sigui activamente involucra den dialogo y cooperacion internacional, y p’e realidad y interesnan di nos isla sigui haya atencion dentro di e contexto di Reino.

Vocero di Ministerio Publico a duna di conoce cu den e dianan benidero Ministerio Publico lo saca e citacionnan den e caso Kwihi. Corte a determina mientrastanto un fecha p’e caso regie. Esaki ta un caso cu ta pa algún anja caba.

Den e caso aki tin seis (6) sospechoso, entre nan Chris V.J.Romero, ex-Minister di Transporte, Comunicacion y Sector Primario. E sospechonan ta relaciona cu apropiacion indebido di fondonan publico, estafa, labamento di placa, fraude di belasting y maluso di funcion, cometi entre november 2017 y october 2021. Publico a haya sa di caso Kwihi pa prome biaha na februari 2023, ora a tene huiszoeking na diferente adres y a confisca cargadonan di informacion y administracion. Ministerio Publico a informa e tempo ey cu e investigacion tabata dirigi entre otro, contra e ex-Minister.

Codigo di Procedemento Penal ta bisa cu pa Ministerio Publico por persigui un mandatario sospecha di a comete un delito den ehercisio di su funcion, Corte Comun mester autorisa Ministerio Publico prome. E garantia aki ta fiha den articulo 476 di Codigo di Procedemento Penal, cu a drenta na vigor na april 2024. E legislador kier a preveni/evita cu e disposicion (bepaling) ey cu ley penal por wordo usa como un posibel instrumento di poder politico.

Dia 25 di augustus ultimo Corte Comun a trata es peticion di Ministerio Publico conforme articulo 476 di Codigo di Procedemento Penal pa por persigui e ex-Minister. Corte Comun a aproba e peticion aki, dor di cual Ministerio Publico ta autorisa pa sigui cu persecucion. Proximamente Corte lo fiha e fechanan pe Regie-Zittingnan.

Durante e inicio oficial di proyecto embeyecemento Wilhelminastraat, Prome Minister Mike Eman a pone enfasis riba e importancia di continuidad den desaroyo di centro di Oranjestad y riba e responsabilidad di sigui construi riba e visionnan cu a cuminsa den e añanan anterior. Durante su discurso, Prome Minister Eman a recorda un y tur cu e vision pa revitalisa centro di ciudad a cuminsa cu e buskeda pa conecta Oranjestad mihor cu e area di waf, specialmente e zona caminda e turistanan crucero ta yega Aruba. Segun Eman, e reto semper tabata pa percura cu e desaroyo di e area di waf no laga e tradicional caya grandi y e resto di centro di ciudad atras. P’esey, desde e principio a busca forma pa crea e conexionnan entre e diferente parti di Oranjestad, incluyendo e area di Museo Arqueologico Nacional Aruba (MANA), Schelpstraat, Caya Grandi y e zona di waf. Den e contexto ey tambe a nace e idea pa uza e tram como conexion pa e turistanan cu ta yega cu crucero por move mas facil p’e centro comercial di Oranjestad. Prome Minister a indica cu Gobierno a inverti hopi den revitalisacion di Caya Grandi y cu e meta semper mester ta pa mantene e area como un lugar cu tin oportunidad pa bishitante, cliente, comerciante y inversionista. Un parti central di su discurso tabata e importancia di continuidad. Eman a resalta cu e proyectonan grandi manera revitalisacion di un ciudad no por mira den termino di un solo periodo di gobernacion. E vision, segun e, mester carga y continua dor di diferente generacion di gobernante y profesional, ora e ta contribui na bienestar y desaroyo di comunidad. Prome Minister a reconoce den e sentido aki e continuidad cu Minister Geoffrey Wever a duna n’e proceso di revitalisacion di Oranjestad, incluyendo e conexion entre Caya Grandi, Columbusstraat y Wilhelminastraat. El a expresa cu continuidad no ta solamente un asunto di politica, pero tambe un responsabilidad pa cu comunidad y pa cu esnan cu a bini prome. Eman a recorda cu den e mesun caya di centro di Oranjestad a biba y traha e pioneronan economico, politico y e visionarionan cu a contribui na construccion di Aruba y na e idea di un economia cu por crea oportunidad pa tur hende. Pa Prome Minister, revitalisa Wilhelminastraat y centro di Oranjestad, pues, no ta simplemente pone un caya mas bunita. E ta trata di revitalisa oportunidad. E ta trata di crea espacio pa comercio, pa vivienda y pa un centro di ciudad cu por bolbe reuni comunidad. Durante e ceremonia, Eman a duna reconocemento tambe n’e proceso di seleccion di e diseño pa Wilhelminastraat, caminda diferente arkitecto a haya oportunidad pa presenta nan vision. El a felicita Sr. Kamsteeg y su team pa e diseño cu nan a realisa.

Minister di Finansa, Economia y Sector Primario, Geoffrey Wever a caba di bolbe di un bishita na Santo Domingo cu e meta pa estrecha mas ainda comercio entre Aruba y Santo Domingo. A bolbe papia di importación di e.o. carni for di Santo Domingo. Cu ni importación di carni for di Colombia no ta regla ainda, mientras Hulanda, Corsou si por importa carni for di Colombia. Kico t’e problema cu Aruba no mag di importa carni di Colombia ainda. Den e sentido aki nos kier cuestiona tur e trade-missionnan cu Gobierno ta organizando, sin logra nada concreto. E ta mustra mas bien biahenan pa usa Aruba como un vitrina, pero no ta logra nada pa haci e costo di vida mas barata. Pasobra for di Colombia y tambe for di Santo Domingo un di e problemanan pa haya comestibles barata, te conectividad aéreo y tambe marítimo. Djis tuma p.e. cu pa haya fruta for di Colombia, e mester bai Miami prome di por yega Aruba. No ta un proceso mas caro esaki ta? Siendo cu si tin barco cu por nabega entre Aruba y Colombia e ta dura menos dia y sigur lo ta mas barata. Mesun cos e ta conta pa Santo Domingo. Pa loke e siguiente trade-mission planea pa Minister Wever ta pa Miami. Pa haci kico? Net awor cu barconan di container a bolbe aumenta nan tarifa. Lo negocia pa baha esakinan? Mas caro e productonan lo bira. Laga nos keda un rato na carni. A sali na cla cu FDA a duna ordo pa elimina 167 mil kilo di carni, pasobra nan no a pasa na keuring debido. Y nos na Aruba ta haya e carninan aki tambe for di Merca. No por confía e exportadornan di carni Mericano tampoco. Den dianan aki Aruba a recibi un delegacion di 19 compania Colombiano den cuadro di un Mision Comercial Exploratorio organisa pa ProColombia. E mision ta enfoca riba conecta comerciante Colombiano cu mercado Arubano, identifica oportunidadnan concreto pa comercio y crea y fortalece relacionnan comercial sostenibel entre Aruba y Colombia. Boso ta kere esaki? Nos no, meramente p’e motibonan ya menciona. Pero pa Minister mr. Geoffrey Wever si, y a indica cu e cercania geografico entre Aruba y Colombia ta brinda oportunidad importante pa sigui fortalece relacion comercial entre ambos pais. Pero no ta papia di e conectividad c uta haci tanto falta. Pesey Minister splica pueblo con e productonan cu Colombia ta ofrece Aruba lo yuda baha costo di bida? “Aruba tin un economia principalmente orienta riba servicio y ta depende hopi riba importacion. P’esey ta importante pa nos sigui explora mercado cu ta confiabel, diversifica y competitivo. Colombia tin capacidad den sector agroalimentario, manufactura, logistica y servicio, y e mision aki ta brinda un oportunidad concreto pa conecta esaki cu necesidadnan di e mercado Arubano,” segun Minister Wever. Logistica tambe ta forma un parti importante di e mision. Particularmente importante pa producto fresco, refrigera y congela, factornan manera cadena di frio, disponibilidad di container refrigera, frecuencia di conexion, tempo di transporte y posibilidad di consolidacion ta crucial pa determina viabilidad comercial. Pa cu esaki, a organisa un bishita na ASTEC cu a duna e delegacion oportunidad pa conoce mihor con transporte y logistica di mercancia pa Aruba ta funciona den practica. Ban duna Minister Geoffrey Wever beneficio di duda y nos lo bin bek riba e asunto aki.

Frans Ponson, Presidente di Comerciantenan Uni Aruba (CUA), den un conferencia di prensa diabierne ultimo, a expresa preocupacion serio tocante e crecemento di mercado informal na Aruba y e competencia desigual cu comerciantenan registra ta enfrentando diariamente. Segun Ponson, e mercado aki cu no ta paga impuesto, ta creciendo te n’e punto di ta birando absurdo. Di acuerdo cu Frans Ponson, un comerciante formal mester cumpli cu registracion, paga impuesto manera BBO, mantene su administracion na ordo y carga diferente gasto operacional. Na mes momento, tin persona y negoshinan cu ta ofrece e mesun servicio sin ta registra ni ta cumpli cu e mesun obligacionnan. Ponson a indica cu ta dificil pa duna un contesta na miembronan di CUA, cu si ta cumpli cu tur regla, y cu ta acerc’e constantemente y hopi biaha ta puntra con un comerciante cu ta cumpli cu tur regla por competi cu hendenan den e mesun sector cu no ta registra, no ta paga impuesto/BBO y no tin e mesun gastonan. El a indica cu miembronan ta wordo poni den un posicion pa tuma decisionnan, sea nan ta sera nan negoshi pa motibo cu clientenan ta haya cu nan prijsnan ta mucho caro y serca competencia, cu no ta registra, nan ta haya prijs mas barata. Of, Ponson ta cuestiona, lo nan mester tuma e decision pa haci mescos cu nan competencia y bay ilegal? P’esaki, Comerciante Uni no ta para. Pero segun Ponson, ta yega un punto na unda cu mester bin cu un solucion riba e topico aki, hunto cu Gobierno pa evita cu e situacionnan ilegal aki sigui crece. Frans Ponson ta indica cu e situacion no solamente ta perhudica e comerciante formal, sino tambe ta afecta entrada di Gobierno y ta crea un sistema den cual falta di cumplimento aparentemente no tin consecuencia. Diferente miembro di CUA, cu ta hopi rabia, a entrega keho y informacion tocante actividadnan informal na Departamento di Impuesto y di Asuntonan Economico, pero nan no ta mira accion concreto of nada ta pasa. E falta di control ta causa frustracion y ta pone mas presion riba empresario cu ta trata di opera legalmente. CUA ta haci un yamada na Gobierno pa establece un sistema di control y maneho permanente, y aplica e leynan eistente na un manera igual pa tur hende. Comerciantenan no ta pidi privilegio. Nan ta pidi un tereno di competencia husto, caminda tur hende cu ta haci negoshi mester cumpli cu e mesun regla.

Prome Minister Mike Eman, hunto cu Minister di Turismo, Wendrick Cicilia, a ricibi Emilio van der Linde na Aeropuerto Internacional Reina Beatrix despues cu el a completa un tratamento medico specialisa den exterior.

Durante su yegada a resalta e trabou boluntario y e compromiso di Aruba Shriners Club, cu a coordina y sostene e proceso pa Emilio por haya e cuido cu e tabatin mester. Den colaboracion cu Shriners International, Aruba a logra concretisa e prome proyecto di un Shriners Club den Caribe.

E regreso di Emilio van der Linde ta representa un momento di speransa pa su famia y ta confirma e balor di colaboracion entre organisacionnan boluntario y comunidad. E bon comun a prevalece.

Gobierno ta sigui fortalece su organisacion interno pa brinda ciudadano un servicio mas efectivo, accesibel y orienta riba resultado. Den cuadro di esaki, Ministerraad a dicidi dia 28 di augustus 2026 pa integra e responsabilidadnan di Servicio na Defensa di Consumidor (SEDECO) den Directie Economische Zaken, Handel en Industrie (DEZHI). E cambio lo drenta na vigor dia 1 di october 2026. Cu e reorganisacion aki, Gobierno ta concentra maneho, ehecucion y servicio na consumidor y huurdo bou di un solo structura. E meta ta crea mas claridad den responsabilidad, mehora coordinacion y fortalece capacidaxd di Gobierno pa reacciona mas rapido y efectivo riba desaroyonan economico y social cu ta toca consumidor y huurdo.

Pa Minister di Finansa, Asuntonan Economico y Sector Primario Geoffrey Wever, e cambio ta parti di un proceso mas amplio pa modernisa y fortalece e aparato publico. Proteccion di consumidor no mester keda solamente un responsabilidad riba papel, pero mester tin un organisacion su tras cu por ehecuta e responsabilidad aki di forma accesibel, profesional y efectivo. Dor di pone e funcionnan aki den DEZHI, Gobierno ta crea un liña mas directo entre maneho economico, informacion, orientacion y proteccion di ciudadano.

For di 1 di october 2026, e servicionan relaciona cu consumidor y huurdo lo continua bou di un Afdeling Huur- en Consumentenbescherming nobo dentro di DEZHI. Ciudadanonan lo sigui por acudi pa informacion, orientacion y asistencia relaciona cu nan derechonan como consumidor of huurdo. E reorganisacion, por lo tanto, no ta significa eliminacion di e servicio. Al contrario, e intencion ta incorpora e servicio den un structura mas amplio cu mas capacidad pa coordina, ehecuta y atende ciudadano.

E reorganisacion ta conecta tambe cu e responsabilidadnan nobo cu Gobierno tin den cuadro di e Landsverordening bestuursrechtelijke handhaving consumentenbescherming. E cuadro legal aki ta fortalece proteccion di consumidor y ta exigi un structura publico cu por sostene e ehecucion di e responsabilidadnan correspondiente. E apoyo operacional na Huurcommissie lo wordo acomoda provisionalmente dentro di DEZHI. Independencia huridico di Huurcommissie ta keda intacto. Cu esaki Gobierno ta sigura continuidad operacional, mientras e posicion independiente di e comision ta wordo respeta.

Un otro prioridad den e transicion t’e personal di SEDECO. Departamento Recurso Humano, DEZHI y representantenan sindical di TOPA y SEPPA a tene consultanan relaciona cu e proceso. Tur empleado di SEDECO lo pasa formalmente pa DEZHI dia 1 di october 2026. Pa funcionnan cu no ta bolbe den e structura nobo, DRH a inicia trayectonan individual di mediacion y reubicacion dentro di Gobierno, teniendo cuenta cu experiencia, capacidad y perfil profesional di cada empleado.

Na mes momento, Gobierno ta inverti den capacidad di e departamento nobo. Ministerraad a aproba un presupuesto pa recluta dos consulent adicional cu lo yuda fortalece e capacidad operacional y sostene e responsabilidadnan cu e departamento lo carga. Minister Wever ta opina cu un aparato publico moderno mester ta organisa alrededor di e servicio cu ciudadano mester ricibi y no solamente alrededor di structuranan cu a existi historicamente. Integracion di SEDECO den DEZHI ta crea oportunidad pa elimina fragmentacion, mehora coordinacion y construi un sistema di proteccion di consumidor y huurdo cu ta mas concreto, mas accesibel y mas prepara pa e exigencianan di awe y mañan.

Cu e reorganisacion aki Gobierno ta sigui structura su organisacion, fortalece ehecucion y sigura cu proteccion di consumidor y huurdo ta keda un responsabilidad publico cu ta wordo ehecuta cu continuidad, profesionalismo y claridad..

Fraccion di AVP a reuni cu sra. Suzette Dumfries pa mira su vision y scucha e proposicionan cu el a presenta pa San Nicolas den su rol como Nation Builder. E encuentro a brinda espacio pa un intercambio habri tocante e potencial di e distrito y e importancia di envolucra comunidad den su desaroyo. San Nicolas tin un identidad propio, un historia rico y ciudadanonan cu ta profundamente comprometi cu nan distrito. Pa fraccion di AVP, ta esencial pa scucha personanan cu ta conoce San Nicolas di cerca y cu ta dispuesto pa contribui cu ideanan. E perspectiva aki ta yuda Parlamento compronde mihor e aspiracionnan di comunidad y e oportunidadnan cu merece atencion. Durante e reunion, miembronan di fraccion di AVP a scucha e presentacion di Dumfries, a haci pregunta y a intercambia pensamiento tocante su proposicionan. Fraccion di AVP ta aprecia su iniciativa, consciente cu desaroyo di San Nicolas ta rekeri dialogo continuo entre tur stakeholders. ÒSan Nicolas merece atencion sosteniÓ AVP a indica. Stranjo si tabata cu Mike de Meza, kende semper ta sali pa San Nicolas a briya cu su ausencia. Fraccion di AVP a gradici sra.Susette Dumfries pa su tempo, compromiso y presentacion. AVP su fraccion lo studia e proposicionan presenta y cu e meta di contribui na accionnan concreto pa beneficio di San Nicolas y Aruba.

Conoce nos historia ta conoce nos mes. E historia di Aruba ta un tesoro forma pa generacionnan di hende cu, cu nan esfuerso, sacrificio y perseverancia, a contribui na desaroyo di nos isla. Preserva e historianan aki ta un responsabilidad comparti, pasobra nan ta forma parti di nos identidad y ta yuda nos compronde miho unda nos ta bin y con nos por construi nos futuro.

PÕe motibo ey, como Parlamentario, Xiomara Maduro kier felicita y expresa su sincero aprecio na sr. Edgar ÒEddyÓ Ras pa publicacion di su buki Ò???????????? ??????????????.Ó Durante e presentacion na Biblioteca Nacional, nos tabata presente pa mustra nos aprecio pa e bunita trabou cu el a haci.

E buki ta conta e historia di e hoben Willem Rasmijn, kende a haya oro na Aruba, y di e gran keintura di oro cu e hallazgo aki a trece cune. Cu su investigacion y dedicacion, sr. Eddy Ras a duna Willem Rasmijn bida nobo y a rescata un parti importante di nos pasado.

Un obra manera esaki ta exigi tempo, pasenshi y dedicacion pa busca, analisa y transforma documentonan historico den un relato accesibel. E autor ta duna bida na informacion cu por keda cera den archivo y ta haci cu e ta bira parti di nos memoria colectivo.

Nos ta gradici sr. Eddy Ras y su rumannan pa nan esfuerso, y nos ta spera cu Ò???????????? ??????????????Ó lo inspira mas hende pa investiga y documenta e historianan di nan famia, bario y comunidad. Aruba tin ainda hopi historia cu merece wordo conta, y cada publicacion ta yuda evita cu nos memoria bay perdi pa semper.

?????????? ???????????? ?? ??????????, ????. ???????? ??????, ???? ???????? ?? ???????????????? ???? ???????????? ?????????????? ???? ???????? ???????? ?? ???? ????????Õ?? ?????????????????? ???? ???????????? ?????? ??????????????????.

A wordo bisa publicamente cu Minister Wyatt-Ras tabata ausente, ÒspoorloosÓ y cu el a subi avion pa un biahe pa Washington. E informacion aki no ta corecto. Minister Wyatt-Ras ta na Aruba y ta atendiendo su responsabilidadnan ministerial, incluyendo e situacion di Horacio Oduber Hospital (HOH). E Minister tambe a aclaria cu no tin ningun biahe pa Washington programa y cu e no lo bay atende e reunion di PAHO menciona publicamente. E Minister ta considera importante cu informacion tocante su presencia y agenda wordo presenta corectamente. E situacion di HOH ta wordo trata cu e seriedad cu e merece. Gobierno, AZV y Hospital ta den dialogo cu meta pa haya claridad tocante e situacion y pa yega na solucionnan concreto y sostenibel. ÒMi ta na Aruba, mi ta presente y ta atendiendo e situacion cu e seriedad cu e merece. Nos ta traha pa yega na un solucion sostenibel, teniendo continuidad di cuido y bienestar di e pashent como prioridad.Ó